на таки способ: 10 ґрами швиньского и целячого порезаного меса помишац з дакус мекушки з хлєба, 1 цалим вайцом, порезаним петрушковим лїсцом и дакус солї. Так порихтана парадича вари ше у шерпенки зоз 10 ґрами масци. За єдну особу ма: бильки 28 ґрами, масци 20 ґрами, угльово гидрати 2 ґрами.

ПОЛНЄНИ ПАПРИҐИ
Полнєни паприґи рихта ше як и полнєни бундави на подобни способ як и за здравих, лєм их треба преляц зоз шметанку або кислим млєком.


Цеста


Шицки цеста маю досц угльово гидрати и диябетичаре их можу хасновац, але у точно одредзеним количестве.

РЕЗАНКИ
Резанки порихтани зоз чарней муки вариц у сланей води док нє одмекню, одцадзиц у шитку, а потим виплокац у жимней води. Так порихтани резанки мож положиц до юшки або преляц з маслом и служиц як додаток ґу месу. 20 ґрами нєварених резанкох маю без додатку масла: бильки 2,5 ґрама, масци 1 грам и угльово гидрати 10;5 ґрама.

МАКАРОНИ АБО ШПАҐЕТИ
20 ґрами макарони або шпаґети вариц у сланей води, одцадзиц у шитку, положиц до судзини з горуцим маслом (30 грами), премшпац и вислуговац з настуганим качкавальом або обичним сиром, нарезану шунку або преляти зоз парадичову мачанку. 18 ґрами нєварених макаронох одвитую 12 ґрамом угльових гидратох.