Колачи и лакотки


Шицки сладки едла треба засладзиц з розправеним сахарином, и то после вареня, односно печеня, по можлївосци кед уж упечени колач охладзени. У процивним сахарин ма горки смак.

ОМЛЕТ З ВАНИЛИЮ, ЛИМУНОМ АБО КАКАОМ
Направиц з бильчка пену (шнїг), додац жовчок, дакус ванилиї, лимуну або какава, добре вимишац, положиц до судзини за омлет и упечиц. Место цукру засладзиц зоз сахарином. За єдну особу 3 бильчи, 3 жовчки, пол лимуна и штвартину ванилиї. Ма: бильки 24 ґрами, масци 18 ґрами и угльово гидрати у шлїду.

ЯБЛУКА ЗОЗ ШНЇГОМ З БИЛЬЧКА
Очисцени яблука печиц у рерни з дакус масла у закритей шерпенки; окреме направиц шнїг з бильчкох и засладзиц го з розпущеним сахарином. Потим положиц печени яблука до судзини, закриц зоз шнїгом у рерни, на моцним огню печиц ище пейц минути. За єдну особу 200 ґрами яблука, 5 ґрами масла, 2 бильчки, 2 таблети сахарину. Маю: бильчки 5 ґрами, масци 4,5 ґрами, угльово гидрати 15 ґрами.

КРЕМ З ВАНИЛИЇ
Млєко з ванилию превариц; окреме вимишац жовчок зоз гаметанку и направиц шнїг з бильчка. Потим до жовчка усипац, нєпреривно мишаюци, враце млєко. Тому додац у води добре намоченого желатину и шицко на огню мишац док ше нє почне лїпкац за варешку. Теди прецадзиц през шитко и охладгиц, але скорей як цо ше то сцагнє, додац шнїг и мишац. На концу достату масу сипац до фурмочки оплокнутей з воду и положиц на ляд же би ше охладзела. Преврациц на танєр и поцифровац з вимишану шметанку. За штири особи пол литри млєка, штвартину ванилиї, 6 вайца, 125 ґрами шметанки и в лїсца желатину. Крем за єдну особу ма: бильки 21 ґрам, масци 20 ґрами, угльових гидратох 7 ґрами.