ДИЄТА ЗА СХУДНУЦЕ


Єст два основни вимоги хтори треба же би сполнєло костиранє при натитосци. Перше, зменшац вкупне количество поживи и то окреме дзе єст масци и угльово гидрати. Друге, осиі'урад орґанизму достаточне количество тих состойкох котри у орґанизме важни (бильчки, витамини и нєорґански солї). Же бизме удоволєли першей вимоги, мушиме почац од калорийного уношеня поживи спрам стандардней чежини. Так за особу коло 160 см висини потребно коло 1 000 калориї, а особи високей 170 см 1200 калориї. Же би ше правилно могло костирац, муши ше мац у оглядзе даскельо правила у поглядзе вибору поживи и способу пририхтованя єдзеня.
1. Пририхтоване муши буц нє барз засмачене (зоз солю, попром, сенфом, хрином).
2. При пририхтованю патриц же би було цо менєй состойки хтори спричинюю тице (масц, мука, цукер).
3. Од меса допущене уношиц шицки файти посних месох (говедзина, рична риба, дзивина и домашнє живина крем гуски).
4. Желєняву можу шицки хасновац, але треба огранїчиц желєняву з векшу калорийну вредносцу (кромпля, пасуля, сухи гращок).
5. Шицки файти овоци тиж мож уношиц крем орехох, лїсковцох и смоквох.
6. Юшки керовац, або кед ше уж муши уношиц, вец най то будзе юшка зоз желєняви з цо менєй масци и муки.
7. Од напойох алкогол ше нє прєпоручує, а воду, лимунаду, чай и кафу з сахарином ше допущує.
Ниа даскельо приклади костираня за схуднуце: