стої, муку треба частейше премишац же би ше нє запроела. Муши ше чувац на сухим месце дзе єст воздуху. Лєгко може поплєшнїц и, кед ше од такей муки миши хлеб, барз є чкодлїви за здравє.
Зоз житней муки, попри хлєба, прави ше и рижни други файти цеста, потим запражки, мачанки, пити, креми и колачи.


МЛЄКО

Млеко представя идеални поживови артикл, бо ма у себе скоро шицки поживни материї хтори потребни людскому организму. То биложовкава емулзия хтора ма у себе бильки, масци (у форми дробних капкох), млечни цукер и одредзене количество солї. Воно ма у себе коло 90 проценти води, до 4 проценти билькох и исто тельо масци, 3 до 5 проценти млечного цукру и 0,5 до 1 процента солї.
Крем того же млєко ма у себе шицки потребни состойки поживи (бильчки, масци и угльови гидрати), воно ма у себе и шицки витамини (А, Б, Ц и Д).
При вареню ше векшина витаминох руйнує, окрем витамину Б хтори одпорнєйши.
У поглядзе минералних материйох, млєко представя богате жридло калцию и фосфору, цо ма нєобичну важносц за дзеци, а и за одроснутих.
Цо ше дотика претровлївосци, мож повесц же ше воно досц лєгко претровює, окреме кед є преварене.
Но попри шицких добрих свойствох хтори ма, млєко дакеди може буц и опасни поживови артикл, бо ше легко губи и представя барз добри стредок за розвиване бацилох. Уж при доєню до млєка уходза бацили млєчней квашнїни под чиїм вплївом ше млєко швидко сквашнї кед ше з нїм правилно нє поступа. Тиж так и бацили масловей квашнїни можу погубиц млєко. Тоти бацили одпорнєйши од бацилох млєчней квашнїни, та ше их зоз вареньом нє знїщує. Напроцив, вони ше найлєгчейше розвиваю кед ше млєко вари у завартей судзини, бо нє подноша присуство воздуху.
До млєка можу войсц и рижни други бацили, медзи хторима може буц и оберацих, та на тот способ воно постава преношитель оберацих хоротох. Же би ше то зопарло, млеко ше преварює. Найлєпше вариц го 30 минути на температури од 60 до 80°Ц. Млєко ше лєм з вареньом, пастеризацию може зачувац од губеня. З вареньом млєка векшина бацилох, хтори ше у нїм находза, загиню и прето ше варенє млєка рахує як найсиґурнєйша предохрана процив можлївосци же би пришло до зарази кед ше го хаснує.
Млєко ше нє шме вариц на отворених ринґлох шпоргета, бо легко збегнє и пригори.