ЄДЛА ЗА ДЗЕЦИ


ЖЕЛЄНЯВА ЗА ДЗЕЦИ
Порезац дас 10 деки очисценей и добре умитей швижей желєняви и увариц у дакус сланей води (у лєм тельо води же би желєнява була прикрита). Кед желєнява уж мегка, одцадзиц ю и препасировац през шиточко з дроцикох. Воду у котрей ше варела не одруцовац.
Окреме ше рихта запражка: ложичку масла (лебо дакус менєй олею або масци) розпущиц на огню и положиц до нєй йол ложички муки. Кед дакус почервенї, усипеме до нєй препасировану желєняву, прелєєме шицко з воду у котрей ше желєнява варела, та ше заш превари.
Шпинат пред вареньом треба перше преляц з врацу воду, а тоту воду висипав; до помийох. Кед шпинат уварени зоз запражку, добре до ньго уляц ложку млєка. До мархви ше кладзе пол коцки цукру (пол ложички кришталю). Цукер ше кладзе и до парадичох.
Дзецку при цицки мож на тот способ пририхтац келерабу, бундавку, гращок, кель, мархву, карфиол, капусту, мауну и парадичи.
Вжиме можеме хасновац и варену парадичу (парадичанку): вежнєме з нєй пол деци, та ю вариме зоз пол деци води — и додава ше запражку.
жовчок
Од седмого мешаца дзецку треба додавац до вареней желєняви з початку половку а познєйше и цали швижи жовчок .чоз курового вайца. Жовчок умишац до цеплого єдла.