КАША З РИСКАШИ
Малу ложичку потлученей лєбо помлетей рискаши вариц у 3 дл води док ше не згушнє до 1 деци; препасировац и додац 1—2 коцки цукру (лєбо 1—2 ложички кршпталю) знова положиц на огень най превре.

КАША З ЯБЛУКОХ
Потреме половку яблука, додаме 2 ложки потлучени кекси, 2 ложички мелкого цукру, 2 ложички юшки зоз помаранчеца або з лимуна. Шицко добре премишаме.

КОМПОТ ЗА ДЗЕЦИ
Єдно яблуко штредней велькосци — лєбо у тим количестве другей овоци — очисциц, потрец и заляц зоз кус води: лем тельо най прикриє овоц. Увариц так же би було розварене. Потим овоц препасировац и осладзиц з двома коцками (2 ложичками) цукру, та знова превариц и так давац дзецом.

ПЕЧИНКА
Од осмого мешаца дзецом до вареней желєняви треба додавац варену, а потим препасировану целячу лєбо курчецову печинку. Перше ше дава єдна мала ложичка, а кед дзецко старше — вше вецей (на остатку и 10 ложички).
Звичайно ше дзецку дава єдного дня жовчок, а другого печинка.

ПИРЕ КРОМПЛЇ ЗА ДЗЕЦИ
Умиц, увариц у сланей води, очисциц и препасировац (висцискац през цадзач) 2—3 векши кромплї. На кажду препасировану кромплю додац пол деци млєка, котре пред тим преварене з ложичку швижого масла (або з дакус менєй масци). Потим тото превариц и по смаку посолїц.