СОК З ОВОЦИ И ЖЕЛЄНЯВИ
Овоц котра ше нє да чисциц (черешні, вишнї, малини, черніци, грозно) перше добре умиц, а потіш преляц з горуцу воду, одцадзиц и дораз положиц до жимней води.
Овоц котра ше да чисциц од лупи (кайси, брескинї, парадичи) треба очисциц од лупи.
Яблука и мархву очисциц од лупи и потрец на тарле.
Так приготовену овоц (або желєняву) висцискац през цадзач (шитко — дзираву вареху) лєбо през ридке чисте платно до чистого погара.
И сок з лимуна лєбо помаранчеца треба (пре маґочки) прецадзиц.
Кед овоцов сок барз квашни, посладзиме го.
Овоцов сок нє шме длуго стац: прето го и треба приготовиц пред хаснованьом.
Ище єдно: лєм здраву и узрету овоц шмеме хасновац при правеню овоцового соку.