Одкладане желєняви


АЙВАР І
Пририхтац: 10 кґ червеней паприґи (роговей), 5 кґ белавей парадини, 2,5 л олєю, 1,6 л оцту, 5—10 дкґ феферони (по смаку), солї, попру.
Паприґи поумивац, очисциц од чутакох и нашеня, знова поумивац и добре осушиц. Белави парадичи поумивац, поуцерац и упечиц цали у рерни. Док ше печу, паприґи треба увариц у мишанїни з 3 л води, 1,5 л оцту и 0,5 л олєю. Вариц так як на квашене. Потим их прецадзиц и помлец на машинки. Печени белавц парадичи треба очисциц од лупки и зомлєц, а тиж так и феферони (количество ше одредзує спрам того же яке ше сце най будзе горке). Помлєту масу помишайце зоз 1,5 л олєю, 0,5 дл оцту, солю и попром. Тоту масу варце два годзини на благим огню. Мишайце же би нє пригорела. Уварени айвар сипце до зогратих дунцох. Верх прелєйце з олєйом, заврице зоз целофаном и позакруцайце зоз прекривачом же би ше помали до конца охладзели.

АЙВАР II
Пририхтац: 5 кґ паприґи, 1 кґ белави парадичи, 7,5 дл олєю, 5 струча цеску, 2—3 ложички нєрозридзеного билого оцту, солї, попру и по дзеки феферони.
Паприґи попражце, поочисцайце од лупки и од нашеня и зомельце. Белави парадичи упечце цали, поочисцайце од лупи и дас пол годзини охабце най ше одцадза. Потим их помельце и зоз папригу мишайце на олєю же бисце достали густу масу. Посольце, попопруйце и додайце пошекану феферону, потлучени цеснок и оцет. Ище кус варце и сипце до горуцих дунцох. З верху прелєйце зоз пасмом олєю и такой заврице.

АЙВАР ЗОЗ ХРИНОМ
Пририхтац: 10 кґ здрави червени паприґи (бабурачи), 0,5 кґ хрину, 1 кґ белави парадичи, солї, олєю.