Паприґи очисциц од чутакох и нашеня та их поумивац. Зачириц их до врацей води на кратши час, а вец през ноц охабиц най ше добре одцадза. Другого дня их помлєц и динстовац на олею з нєпреривним мишаньом. Окреме у рерни випечце белави парадичи, пред тим поумивани, котрим лєм корвньчки орезани. И их помельце та додайце до паприґи. При концу додайце потарти хрия. Горуце сипце до зогратих дунцох и заврице их.

ДОМАШНЇ КЕЧАП
Пририхтац: 3 кґ парадичи, 24 дкґ сухого грозна, 3 струча цеску, оцту, дакус цукру, мушкатного орешка, попру, гвоздзику (за прави смак ше кладзе индийски присмачки „кари").
Очисцени и поумивани парадичи уварце же би пущели сок, додайце сухе грозно и очисцени, пошекани цеснок. Варце далей покля ше маса не згушнє. Потим улєйце на нацагнути фатьол же би ше одцадзела. Сок можеце похасновац на варане, а масу прецишнїце и на 1 кґ додайце 3/4 л оцту, посольце, додайце кущичко цукру, наструганого мушкатного орещка, потлучени або помлєти попер и дакус „кария". Варце далей аж покля ше не згушнє и вец улейце до менших дунчикох.

ЖЕЛЄНИ ПАПРИҐИ ЗА ПОЛНЄНЄ
Вибере ше под'єднаки желєни паприґи, одреже ше им дна, очисци ше жили и маґочки, та ше их прелєе з врацу воду. Кед ше охладза, кажду треба утрец, та складац до дунца. На концу ше их прелєє з горуцу воду. Потим ше дунци повяжу з дуплим дунцовим папером.

ЖЕЛЄНИ ПАРАДИЧИ
Желєни парадичи ше добре умиє и зохаби най ше сцадза. Дотля ше воду положи до олїваней шерпенї. Кед зовре, кладзе ше до ней 1/4 кили цукру, 1/4 литри олєю, солї и оцту по смаку, 1 кореньчок очисценого целеру и даскельо заренка попру.