Тото знова най зовре вєдно з парадинами и то лем тельо же би парадичи почали меняц фарбу. Парадичи нє шму буц мегки. Кладзе ше их до дунцох и залїва з тоту преварену але горуцу воду. Таки их повязац и зохабиц на столе най превру. После того ше их зохабя на сухим и жимним месце аж по хаснованє.

ЖЕЛЄНИ ПАРАДИЧИ З ОЦТОМ
Мали, желєни парадичи ше одклада до дунца так як и огурки з оцтом.

ЖЕЛЄНЯВА ЗА ДЮВЕЧ
Узрети, здрави парадичи ше очисци од кояарчкох, умиє и пореже. Желєни палриґи ше умиє, очисци од маґочкох, жилох, та ше их пореже на ценки персценї. Шицко ше склада до дунца: шор парадичох, шор паприґи и так по верх, а на верху най будзе паприґа. Док ше полнї, добре ше убива до дунца, а на верх кущичко бензоикуму. Дунци повязац з влажним дунцовим папером, добре посцискац и превариц у пари.

ЗОХАБЯНЄ ДРУГЕИ ЖЕЛЄНЯВИ
Швижу желєняву (мархву, петрушку, целер и инше) зохабяме найчастейше у меншим долїку. Медзитим, през жиму ґу долїку чежше доходзиц, та прето желєняву лєпше зохабяц на доступнєйшим месце.
Желєнява ше добре очисци и зохабя ше лєм штреднї (шерцово) лїсца. Писок ше кладзе або до лади або до пиньвици. Желєняву ше ,,садзи" до писку чия грубина од 20—30 см, так же з нього видно лєм лїсце желєняви. Засадзени кореньчки ше нє шме дотикац.

КАПУСТА УКВАШЕНА У ДУНЦУ
Пририхтац: Капусти, мелкей солї (на 1 кґ капусти 125 ґ солї), оцту, попру у зарну.