КВАШНА КАПУСТА У КРИЖАЛКОХ
Пририхтац: 40 кґ капусти у главкох, 1,5 кґ солї, води.
Кед сцеце на тат способ квашиц капусту, найлєпше кед за тоту роботу порихтаце специялни гордов. Таки гордов муши мац при сподку чоп през котри мож вилущовац капусну юшку.
Поступок: Виберайце лем здрави и тварди главки капусти. Кед су барз крегки и пгкрипя, охабце их дзеньдва най постоя. Потим познїмайце верхні лїсца. Кореньчок зарежце на крижик, або вирежце грублє, та заджобнїце фалаток хрину. Главки складайце до предходно добре умитого гордова. Кажди шор посольце. Кед гордов наполнєни, капусту залейце зоз жимну воду (ище лєпше кед сце ю пред тим преварели и охладзели), та прицишнїце з денками и зоз шрубом або каменьом, так же би вода преляла денка.
О тидзень на шоре претаканє. Воно обовязне прето же би ше сланосц води виєдначела и же би ше капуста скорей уквашела. Претаканє окончиц так же през чоп випущице капусну юшку и знова ю од верху улєєце до гордова. Спочатку ше претаканє окончує кажди други дзень, а после єдного мешаца то можеце робиц два раз до тижня. Кед почнеце винїмац крижалки, престаньце зоз претаканьом.
Кед вам капусна юшка барз слана, при претаканю можеце долївац превареней и охладзеней води, а одвитуюце количество капусней юшки можеце такой похасновац.


Конзервованє желєняви за жиму

За конзервованє желєняви за жиму найважнєйши фактор то добри оцет и правилно уварена росоль, потим дунци зоз герметичнима верхами як и осторожне вязанє фляшох зоз перґаментпапером. При хаснованю патентдунцох треба обрациц увагу же би на нїх шицко було исправне: сами дунци, гумово обкладки и плехово верхи. Найлєпше тоти дунци з додатками з ґуми и плеху положиц до гарчка, преляц их з лїтну воду, превариц на шпоргету, нє сцерац з ренду, але до дунцох такой класц пририхтану желеняву, сипац до нєй росоль и заверац. Кед ше завера дунци, треба мерковац же би ше ґума нє скруцела, бо у тим случаю воздух войдзе до дунцох, так же ше желєнява, так заварта, под час жими напевно погуби.
У нєшкайшим чаше, кед у наших обисцох вше значнєйше место забераю змар_зовачи, желєняву за жиму можеме и у нїх барз добре зачувац. О одкладаню желєняви до змарзовача най