вецеи можеме дознац з упутствох ями дава продуковач змарзовача вєдно зоз продуктом, у окремней кнїжочки, под час предаваня.

КОПЕР У ДУНЦУ
Млади, швижи натаргани копер ше умиє, одцадзи и склада до дунца и то: пасмо копру, пасмо солі" и так шором. Кед ше дунєц наполні, завяже ше з дунцовим папером.

ЛОЗОВО ЛЇСЦЕ І
Младе лозово лїсце за сарму ше умиє и очисци, а вец ше у пасмох посклада до дунца. Помедзи пасма ше кладзе дакус копру и солї. Полни дунєц ше прелєє з дакус посолену и преварену воду, хторей ше дода 1 ложичка винского оцту и на верх ножа бензоикуму. Дунєц ше завяже з овлажєним папером за дунци, дуплим, и одложи.
Пред хаснованьом лїсце треба дакус увариц, вец до ньго закруцац сарму.

ЛОЗОВО ЛЇСЦЕ II
Младе лозово лїсце ше посклада до дунца у пасмох, посолї ше и прелєє з воду, Дунци ше повяжу и охабя по хаснованє.

МАУНА (ЖЕЛЄНА ПАСУЛЯ)
Младу, здраву и швижу пасулю перше ше добре поумива и вец положи вариц до врацей води до котрей зме пред тим положели солї, дакус оцту, кореньчок очисценого целеру з лїсцом и дакус очисценого хрину. Мауну ше вари од 10 до 15 минути, дотля док не омегча, а вец ше знїма з огня и такой таку горуцу кладзе до дунцох котри стоя у врацей води. Кед дунци наполнєни, залєє ше их з тоту врацу воду у котрей ше варела мауна и повяже. Дунци мож довариц на шпоргету або у пецу у котрим ше пред тим дацо пекло. Окрем того, дунци