мож довариц и на тог споосб як цо робиме и з парадичанку у фляшох кед поскладани фляши добре позакриваме и так зохабиме длугши час док ше нє охладза.

ОГУРКИ З ОЦТОМ
Роби ше як и зоз паприґами з оцтом. У дунцу мож мишац и паприґи и огурки, але заш лєм лєпше кед ше за жиму зохабяю окреме.

ОГУРКИ У ВОДИ І
Вибере ше менши, здрави огурки и попари з врацу воду у котрей ест дакус стипси. Накадзи ше охладза, огурки треба одцадзиц и охабиц сушиц на чистим партку. На дно дунца ше положи дакус хрину, желєного грозна и копру. Огурки ше кладзе до шорох, а медзи шори ше кладзе грозно, хрин и копер. Кед дунєц полни, прелее ше огурки з врацу слану воду. Дунєц завязац з дуплим дунцовим папером и охабиц на слунку 8—9 днї. За тот час огурки кишню и папер треба з часу на час мачац. Кед нєт слунка, дунєц треба тримац на цеплим месце. Кед ше змуцена чеченосц у дунцу счисци, то знак же огурки уквашени и мож их одложиц.

ОГУРКИ У ВОДИ II
Роби ше як и з огурками І, з тоту розлику же ше огурки нє паря у стипсовей води и же ше до дунца нє сипе врацу воду але жимну, посолену.

ПИНДЖУР
Пририхтац: 6 кґ паприґи, 4 кґ парадичи, 2 дл олєю, 10 дкґ цукру, 4 ложки солї, 1 звязку петрушкового лїсца, 2 дл оцту, 8—10 струча цеску, 2—3 феферони (по смаку).
Паприґи попечиц, очисциц и охабиц през ноц най ше одцадза. Потим их порезац на коцки (треба най ше коцочки почувствує медзи зубами!). Парадичи препасирайце и динстуйце