на олєю покля маса не постане густа як маджун. Додайце пошекани цеснок и петрушково лїсце, паприґу и соль, цукер и оцет. Най добре превре. Сипе ше до зогратих дунцох. Позаверац и положиц медзи заглавки же би ше помали хладзели.

ПИНДЖУР МАКЕДОНСКИ
Пририжтац: 2 кґ меснати желєни паприґи (бабурачи), 5 белави парадичи стреднєй велькосци, 1 звязку петрушкового лїсца, 2 кґ парадичи, солї.
Упечиц паприґи и белави парадичи, очисциц их од лупкох и чутакох, помлєц. Парадичи очисциц од лупкох и пошекац, та вариц зоз паприґами и белавима парадичами. Нєпреривно мишац покля ше не достане густу масу. Посолїц, додац пошекане петрушково лїсце и вариц ище дас дзешец минути. Горуце сипац до зогратих дунчикох, положиц помедзи заглавки, позакривац и охабиц най ше помали охладзи.

Одкладанє и чуванє швижей желєняви

Зохабянє швижей желєняви за жиму (як и овоци) мож обезпечиц и у прикладних пиньвицох, на пойдзе лєбо на других прикладних местох. Тоти места муша буц чисти и муша мац прикладну — лагодну цеплоту же би желєнява не змарзла. Окрем того, дзепоєдни файти желєняви мож през жиму зохабиц и у долїкох, бо ше и на тот способ зачуваю шицки витамини.
Зоз желєняви през жиму мож найлєпше зачувац кромплї, червену цвиклу, мархву, петрушку, капусту, кель итд.

ОДКЛАДАНЄ КАПУСТИ
Здрави главки капусти зоз кореньом треба витаргац зоз жеми и глїну зоз кореня добре очисциц. За корень ше завяже капуста и обеши на пойдзе дзе стої по хаонованє.
На други способ мож капусту у главкох „засадзиц" до писку у шгаьвици (або на пойдзе), але так най нє маржнє. Цали корень най будзе у писку, главка вонка.