Єст и треци способ: корені треба орезац, а на главкох охабиц шицки лїсца (и сухи). Главки поскладац на деску и то так же би им корені були на верху. Кед велька жима, главки з дащим треба закривац.

ОДКЛАДАНЄ КРОМПЛЬОХ І
За жиму треба одкладац здрави и од жеми добре очисцени и сухи кромплї. У куце пиньвици кромплї найлєпше зохабиц у лади. Лада муши буц чиста и вше добре закрита. Кед кромплї достаню шветлосц, такой пожелєня.

ОДКЛАДАНЄ КРОМПЛЬОХ II
Кромллї мож за жиму зохабиц и на иншаки способ. До пиньвици ше их висипе на сухи патос и то там дзе нє доходзи шветлосц. През жиму ше их кединєкеди прегарне и повируцує тоти кромплї котри почали гнїц.

ІІАПРИҐИ З ОЦТОМ
Навибера ше здрави, векши паприґи, умиє у жимней води, ореже ше им конарчки и охаби ше сушиц на чистим партку. Кед су осушени, поджобе ше их з иглу на даскелїх местох и кладзе до ширших дунцох. Дода ше ґу нїм дакус хрину, даскельо зарна попру и 1—2 ловорово лїстки. Кед ше шицко покладзе, до дунца ше налєє оцту, хтори зме пред тим преварели, посолєли и охладзели. На остатку ше дунєц завяже з двома дунцовима (перґамент) паперами лебо целофанами.

ПАПРИҐИ У ОЛЄЮ
Вибрац красни и здрави паприґи (парадичово), умиц, на 2—3 местох преджобнуц кажду з иглу, конарчки поорезовац до поли и охабиц литру оцту помишаного з воду, гарсц солї, ферталь кили цукру и 2 дл олєю. Кед тото зовре, покладзе ше до ньго паприґи же би ше наполи обарели. Вец ше паприґи винїма з дзираву варешку, ище цепли ше склада до дунца,