положи жйрячки и сумпорни палїчки. Пред тим треба добре позаверац шицки облачки. Вонка треба нагло висц и добре позаверац шицки облачки, дзвери. Сумпорна пара котра ше розвива позабива шицки чкодлїви ключки котри би губели желєняву (або овоц). Пиньвица ше отвера аж о 24 годзини и знова ше шицко пошори, та аж вец ше уноши желєняву и овоц. Кед красна слунковита хвиля, пиньвицу треба вше отверац. У пиньвици не шме марзнуц.

Соки зоз желеняви

МАРХВОВ СОК
Мархву добре умиц, потим потрец на дробно а вец з нєй (прейґ плаценка) вицадзиц сок. Смак тей юшки (соку) можеме злєпшац кед до нєй додаме дакус соку з редквох.

ПАРАДИЧОВ СОК
Парадичи ше очисци, добре умиє и пореже на фалатки. Потим ше з нїх вицадзи (виджами прейґ фатьола або другого чистого плаценка).
Тот сок не треба мишац з другима соками.

СОК 303 ЧЕРВЕНЕЙ ЦВИКЛИ АБО ЗОЗ ЦЕЛЕРА
Сок зоз целера або сок зоз червеней цвикли ше прави так як и мархвов сок.

ШПИНАТОВ АБО КЕЛЬОВ СОК
Здрави и швижи шпинатово (або кельово) лїсца ше добре умиє, а вец най постоя 10 минути у сланей води. Вец ше вода одцадзи, а лїсца пошека, положи до фатьола або до машинки за джаменє и вицадзи ше з нїх сок.
Тот сок нє ма приємни пах або смак, але барз є хасновити и здрави. Смак можеме злєпшац кед умишаме дакус соку зоз цибулї або цеску.