Одкладанс овоци

БИШАЛМИ У ДУНЦУ
Бишалми очисциме, порежеме на векши фалати (на струча) и кладземе их до горуцей води. Кед су шицки у води, положиме их увариц, але сциха же би не попукали. Кед су шицки мегки, одцадзиме з нїх воду. З тей води усипеме кус до цукру, та цукер на густо увариме. Бишалми складаме до чистих дунцох, а на нїх насипеме цукру вецей як три ферталї дунца. Додаме дакус бензоикуму. Повяжеме их з двома паперами и положиме завариц як и черешнї.

БИШАЛМОВ СИР (КИТНКЕС)
Узрети бишалми добре умиєме, розрежеме кажду на 4 часци и увариме дакус у води. Кед су мегки, препасируєме, а на килу препасированей бишалми положиме 70 деки цукру. Препасировану бишалму увариме на густо, та аж вец до нєй положиме цукер и вариме 10—15 минути. Знєєме з огня, дакус премишаме, а вец ище горуце сипеме до намасцених або помучених фурмох. Най так стої до рана, а вец повинїмаме и положиме на чисту дещичку най ше суши. Осушене одкладаме у дунцових паперох.

ВИШНЇ АБО ПІЛЇВКИ У ДУНЦУ
Вшннї або шлївки ше одклада до дунцох так як и черешні. До вишньох треба вецей цукру.

ВИШНЇ ЗА ЖИМУ
Помишаме на 10 кґ вшннї килу цукру и 2 деки бензоикуму (место салициї). Най стої у пиньвици 24 годзини, а за тот час вецей раз премишац. Потим накласц до дунцох, завязац з двома паперами и одложиц.