ГРОЗНО У ДУНЦУ
Найлегшій файти грозна за дунци то малаґа и гамбурґ. Бобки муша буц тварди и здрави. Грозно умиц и охабиц най ше одцадзи, а вец сциха оберац бобки и класц до чистих дунцох. Увариц сируп: на килу грозна ЗО деки цукру, пол литри води и дакус чистого алкоголу або руму. Ище лїтни сируп усипац до грозна. Повязац дунци з дуплим дунцовим папером и вариц у пари 10—15 минути — нє длужей, бо бобки попукаю. Дунци най стоя у води док ше варя у пари. Потим, кед ше дакус охладза, повинїмац их зоз води, поуцерац и одложиц.

ГРУШКИ И БРЕСКИНЇ У ДУНЦУ
И грушки и брескинї ше до дунца кладзе так як и кайси.

ДЖЕМ З БРЕСКИНЬОХ
Брескинї ше очисци од лупи и маґочкох, пореже на фалатки, усипе до шерпенї, посипе з цукром (на килу очисцених брескиньох ЗО—10 деки цукру), прикриє и зохаби до ютра на жимним месце. Вец ше их пристави на огень и вари, нєпреривно мишаюци, док нє загушню. Кед ше охладза, дода ше до нїх ложку руму и фалаток ванилиї. Кладзе ше до дунцох и вяже з влажним целофаном.

ДЖЕМ ЗОЗ ШЛЇВКОХ
Кед шлївки сладки, досц на килу вжац ферталь кили цукру. Шлївки ше очисци од лупи и маґочкох, усипе до шерпенї, посипе зоз цукром и вари, з нєпреривним мишаньом. Дакус шлївки ше охаби сирови, та ше их познєйше руци до варених же би у джеме було и фалатки. Кед ше джем скоро охладзел, усипе ше до ньго ложку руму и добре премиша, сипе до дунцох и вяже з влажним дунцовим папером.