ЖЕМНИ ЯГОДИ ЗА ЖИМУ
Вжац тварди ягоди, умиц през шитко и охабиц най ше одцадза. Вец очисциц од конарчкох и положиц сциха вариц до горуцей юшки. Юшка ше пред тим увари: на килу ягодох ЗО деки цукру и ферталь литри води. Вариц лем док ягоди не пуща юшку (2—3 минути). Вец ше их винїма з огня и прикрити най стоя през ноц. Ютредзень ше сциха покладає ягоди до дунцох, сок з нїх ше ище дакус превари и прелеє прейґ ягодох. Дунци повязац з дуплим дунцовим папером и вариц у пари дає 10 минути.

КАЙСИ У ДУНЦУ
Кайси очисциме од лупки, прелоловиме их, винєме маґочки и складаме до чистих дунцох. Кед сцеме же би нам кайси були барз жовти, поскладаме их на шитко лєбо рошту на хтору зме положели чисти били папер лєбо ручнїк, а под ню запалїме фалаток сумпору. Кед сумпор вигори, кайси висипеме до миски, умиєме их у даскелїх водох, одцадзиме и так складаме до дунцох. Цукер зоз кус води превариме и кед є густи як мед, додаме пращок цо ше кладзе до дунцох, премишаме и вец лєєме кус вецей як до половки дунца. Повяжеме з двома паперами и далєй робиме як зоз черешнями.

КАЙСОВ МАДЖУН
Узрети кайси очисциме, повинїмаме маґочки и положиме их до ґлейтованей судзини. На 1 килу очисцених кайсох вежнсме 75 деки цукру, премишаме го зоз кайсами и през ноц охабиме най так стоя. Другого дня на моцним огню вариме маджун 20 минути, але непреривно мшпаме же би ше нє прилапело на шерпеню. Горуци маджун сипеме до зогратих дунцох и так отворени дунци зохабиме най стоя єдну ноц и дзень, а вец их повяжеме и одложиме. Маджун муши буц таки бляди як и сирови кайси.

МАДЖУН З ВИШНЬОХ
Узрети и здрави вишні умиц, одцадзиц, очисциц од конарчкох и магочкох, та их положиц вариц у власним соку.