Нєпреривно мишац же би нє пригорели. Кед вишнї мегки, препасировац их, а вец их вариц у розпущеним цукру — док ше маджун нє згушнє. Ище горуци маджун сипац до зогратих дунцох и положиц до отвореней рерни же би ше направела на верху скорочка. Дунци вец повязац и одложиц.

МАДЖУН ЗОЗ ЖЕМНИХ ЯГОДОХ
Узрети и здрави жемни ягоди очисциц од конарчкох, та их ігрез шитко нагло умиц и положиц до чистей шерпенї. На килу ягодох кладзе ше кила цукру, закриє ше шерпеня и охаби ирез ноц на жимним месце. Другого дня ше вари маджун: з початку на слабим, а познєйше на вше моцнєйшим огню. Под час вареня ше дода дакус лимунового соку. Накадзи мармелада загушнє, сипе ше до зогратих дунцох, хладзи, и кед ше налапа па верху скорочка — вяже ше дунци з целофаном.

МАДЖУН ЗОЗ ШЛЇВКОХ
Помлєти шлївки вариме у бакарним котле и вше мишаме. Вец положиме до нїх цукер (на 10 кили шлївки килу цукру) та ище дакус вариме. Умишаме пол деци винового оцту, та превариме. Покладземе до дунцох и кус запечеме. Повяжеме з папером котри зме замочели до палєнки.

МАРМЕЛАДА З БИШАЛМОХ
Здрави бишалми очухац зоз чисту ренду (же би ше зняли мохотки), очисциц од лупи и чутакох, порезац на менши фалатки и вариц. Води треба лєм дакус. Кед одмекню, бишалми виняц зоз води (воду нє одруцац), препасировац и далєй вариц нєпреривно мишаюци на моцним огню ферталь годзини. Додац цукер (80 деки на килу бишалмох) и лимунов сок (зоз пол лимуна на килу) и вариц знова док нє загушнє так же остава на верху ярчок. Мармеладу ше кладзе до дунцох, вяжо зоз пелофаном и одклада.
Воду у котрей ше варели бишалми мож похасновац за даєдни колачи або ю посладзену пиц.