МАРМЕЛАДА 303 ЧЕРНЇЦОХ
Цалком узрети чернїци ше очисци од конарчкох, умиє, добре одцадзи и препасирує през шитко. На килу чернїцох кладзе ше 75 деки цукру, та ше вари на моцним огню и миша док не загушнє як и други мармелади. Горуцу мармеладу ше усипе до зогратих дунцох, вец ше охладзи, та кед ше на новерхносци влапи скорочка, завяже ше дунци зоз перґаментом (дунцовим папером) намоченим до алкоголу або руму.

МАРМЕЛАДА З РИБИЗЛОХ
Узрети рибизли очисциц од конарчкох, умиц, добре одцадзиц и препасировац през шитко. Прецадзена маса ше вари на моцним огню. Кед наполи загушнє, усипе ше цукер (60—80 деки на килу рибизлох и далєй ше вари. Док ше вари, знїма шеше пена. Вариц ше не жме длуго, бо мармелада достане чарну фарбу. Кед уварене, сипе ше до дунцох, а кед ше охладзи, вяже ше з дунцовим папером котри намочени до алкоголу або руму.

ЧЕРЕШНЇ У ДУНЦУ
Узрети и здрави черешні очисциме од конарчкох, сциха поумиваме и охабиме най ше одцадза. Дотля положиме вариц цукер зоз кус води: вари ше док нє постане густи як мед. Черешнї складаме до чистого дунца док го нє наполнїме, насипеме на черешнї цукру вецей од половки дунца, а вец на верх ножа бензоикуму.
Дунци добре повяжеме з дуплим дунцовим папером и складаме их на шерпеню до котрей зме на дно положели ручнїчок лєбо векши фалатки паперу. Налєєме до три ферталї шерпенї води, помачаме єден ручнїчок и закриєме з нїм дунци. Поверх ручнїчка положиме (прикапчаме) другу шерпеню лєбо ванґлочку и сциха на шпоргету завариме. Дунци готови теди кед их вежнєме до рукох и обрацаме их, а овоц ше у нїх руша.

ШЛЇВКИ БЕЗ ЦУКРУ
Тварди шлївки, нє презрети, умиц, а конарчки одоезац, олцадзиц и наскладац до дунчикох. У пари вариц дас 20 минути. Шлївки ше у власним соку отримаю, а вжиме их хасновац до колачох. Добре повязац з двома паперами.