Шицку дзивину хтора ше у нашей жеми забива можеме подзелїц на пирйову дзивину — дзиви гуски, дзиви качки, ярабици, препилки, фазани, шлюки; и другу дзивину як цо заяц, дзива швиня и сарня.


ВАЙЦА

Дзекуюци своєй поживносци, смаку и вельочисленей применки у кулинарстве, вайца барз глєдани поживови артикл. Швиже курово вайцо чежке коло 50 ґрами, а енергийна вредносц му ше руша коло 29—33 джули (70—80 калориї). Кед би ше одроснути чловек могол кармиц лєм з вайцами, требал би поєсц 30 вайца на дзень же би задоволєл калорийне трошенє орґанизма.
Вайцо ше состої зоз вонкашнєй вапновей лупки (шкарупини), бильчка и жовчка. Ма у себе коло 75 проценти азотних субстанцох и коло 11 проценти масци.
Змист бильчка и жовчка у поживних состойкох не єднаки:
                        Бильчок                         Жовчок
Бильчки         3,5—4 ґр                            2,5 ґр
Масци                 —                                   5,5 ґр
Води                    85%                                85%
Крем того, у жовчку, хтори вельо хасновитши од бильчка, находза ше минерални солї, фосфор и желєзо, як и шицки важнєйши витамини окрем витамина Ц. У жовчку ше находзи и дакус масци, хтора лєгко претровлїва.
Вообще мож повесц же ше вайцо по поживовей вредносци находзц медзи млєком и месом и же наш орґанизем барз добре хаснуе поживни состойки хтори ше находза у нїм.
Цо ше дотика претровлївосци, вона завиши од способу на хтори ше вайцо пририхтує. На мегко уварене вайцо, наприклад, лєгчейше ше претровює од сирового або приготовеного на масци.
Вайца курово, гуши и пульчи хаснуе ше у кухнї за розлични єдла, слани и сладки, алє, окрем курових, найлєпше други хасновац як додаток ґу єдлу, у цесту и подобие.
Вайца муша буц зошицким швижи. Же би ше длужей отримали, треба их конзервовац зоз хладзеньом, сушеньом (вайца у праху) або зоз завераньом порох на шкарупини. Тот остатнї способ конзервованя найчастейше ше хаснуе и за тото служа велї хемийни средства як водове скло, вапняна вода, калийперманґант и др. Окрем того, пори ше завера з премасцованьом з воском, масцу або кед ше вайцо трима у пиловини.