решнї (1 кила), хтори були пред тим добре умити. Най черешні иовру даскельо минути (4—5), а вец их винїмац и класц до умитих и зогратих дунцох.
Цукер у котрим ше карели най вре и далєй, док нє загушнє як мед, та вец з нїм преляц дунци. Повязац зоз целофаном к одложиц.

СЛАДКЕ ЗОЗ ШЛЇВКОХ
Маджуново шлївки за сладке ше приготови так як и черешнї, лєм же до сирупу (скорей як цо ше прелєє дунци) положиц дакус цимету (цалого), пущиц най дакус повре, а вец виняц цимет.

СЛАДКЕ З ЯГОДОХ
Пол кили жемни ягоди умиц, очисциц од конарчкох и попирскац зоз юшку з 1 лимуна, та закриц и най стоя так 1 годзину. Дотля килу цукру вариц у 3 деци води, зберац пену най ше очисци, док нє загушнє. До того цукру ше усипе ягоди, лєм кус ше их. повари и винїма ше з дзираву варешку, та ше кладзе до порихтаних цеплих дунцох. Цукер най вре док нє загушнє, а вец ше прелєє по ягодох. Охладзени дунци повязац и одложиц.

Ликери з овоцох

ВИШНЬОВ ЛИКЕР
Намочиц до 1 литри алкоголу 2 кили нащикани вишнї и килу черешнї, усипац до векшей фляши (коршова). Вец увариц килу цукру у литри води, охладзиц и усипац до истей фляши. Заткац и най на жимним месце стої дас 2 мешаци.
Натлучиц гарсц вишньово и черешньово маґочки и положиц до другей фляшки, усипац до нїх дакус алкоголу (тельо же би их закрил), та най и тото стої.
О 2 мешаци прецадзиме през вату и єдно и друге, змишаме и по смаку додаме ище алкоголу.