ГРУШКОВ ЛИКЕР
Узрети грушки порежеме на ценки фалатки и сушиме на слунку даскельо днї (закрити зоз фатьолом же би на нїх нє шедали мухи и прах). Осушени грушки ище на дробнєйше порежеме, премишаме зоз цукром (яка чежкосц грушкох, тельо положиме цукру). Тото поулїваме до фляшкох по гарло, налєєме до ньго палєнки кельо ше месци, позатикаме и охабиме на цеплим месце 3—4 тижні'. Вец прецадзиме, посипеме до фляшох, добре заткаме и одложиме.

ПОМАРАНЧЕЦОВ ЛИКЕР
Зоз 6 помаранчатох и з 1 лимуна лєм жовту лупу порежеме на ценки резанки и положиме до фляши, насипеме вец ферталь литри алкоголу и 1 ложку цукру.
Так стої 8—10 днї, а каждого дня дакус потрешеме фляшу. Фляша добре заткана цали час.
Увариме килу цукру у трох фертальох литри води, дотля док ше дакус нє почне лїпиц на палєц. Тото през вату прецадзиме до єдней судзини най ше охладзи. Вец до истей судзини ирецадзиме през вату и алкогол зоз фляши. Додаме ище пол литри алкоголу и шицко помишаме.