бобки змаржнїце зоз цукром и покропце з лимуновим соком. Барз узрети поджамце, додайце 20 дкґ цукру на 1 кґ и варце 2 минути потим як почню врец. Зоз так пририхтаних вжиме направце сируп або мармаладу.
Час тирваня: 8—10 мешаци.
Одмарзованє: 4—5 годзини, бобки едзце сирови ище док су тварди. За колачи похаснуйце нєодмарзнути.

ШЛЇВКИ
Пририхтоване: поумивайце их. Можеце их змарзнуц у цалє, ведно з маґочками, а и пощикани (без маґочкох) — без додаткох, або зоз цукром або зоз сирупом. Можеце змарзнуц и компот або овоцову кашу.
Час тирваня: 12 мешаци.
Одмарзованє: за ґомбовци их не треба одмарзовац. Похаснуйце их сирови, у колачох, овоцовей шалати або до дунцох, за жиму.

ЧЕРЕШНЇ
Пририхтоване: очисцце их од конарчкох и поумивайце, та змаржнїце без додаткох, зоз цукром, або як компот.
Час тирваня: 12 мешаци.
Одмарзованє: 4—5 годзини у фрижидеру. За колачи похаснуйце нєодмарзнути.

ОВОЦОВА ШАЛАТА:
Пририхтоване: менши количества рижней овоци поумивайце, поочисцуйце и пририхтайце як кед бисце такой правели шалату. Змаржнїце зоз сирупом и кед ше охладзи, додайце лимунов сок.
Час тирваня: 6 мешаци.
Одмарзованє: 3 годзини на хижней температури. По смаку додайце цукру, алкоголу и инше кед жадаце.