Змарзованє желєняви
Барз успшпно можеце змарзац скоро шицку желєняву. Винїмок лєм тото цо ше є сирове (желена шалата, парадичи або огурки на шалату). Виберце цалком здраву швижу желєняву, тоту цо праве дозрела за хасноване, нїяк не презрету.
Векшину желєняви треба бланшировац, а даєдну мож и подинстовац. Правила исти як и за одкладанє овоци.
Глїбоко змарзнуту желєняву ше скоро шицку кладзе нєодмарзнуту вариц до посолєней врацей води. Кед ше ствардла до груди, вецка ю одпущуйце помали. Майце на розуме же ше змарзнута желєнява вари вельо швидше як швижа, та меркуйце же би ше не розварела.

БУНДАВА НА ВАРЕНЄ
Пририхтоване: очисцице од лупи, вичисцице маґочки и порихтаце зависно од наменки — коцочки, резанки (натарти), або кашу. Мож нарезац и на колєска младу, кед ше сце порихтац на поховане.
Час тирваня: 10—12 мешаци.
Одмарзованє: не потребне кед варице, а кед сцеце поховац, вецка охабице годзинудва на хижней температури.

ЦЕЛЕР
Пририхтоване: корень очисцице од лупи, умиєце, порежеце на колєска (кед сцеце на поховане) або на фалатки за юшку. Бланшируйце 4 минути и змаржнїце.
Ча« тирваня: 10 мешаци.
Одмарзованє: нє потребне, положце такой до юшки. Гевтот за поховане дакус поварце.

ЧЕРВЕНА ЦВИКЛА
Пририхтоване: поумивайце, уварце, очисцце од лупи. Векши порежце, менши охабце цали. Положце до судзинох и змаржнїце.
Час тирваня: 10 мешаци.
Одмарзованє: охабце през ноц у фрижидеру.