Час тирваня: 12 мешаци.
Одмарзованє: 3 годзини на хижней температури. Можеце и нєодмарзнути додац до єдлох котри ше варя.

БЕЛАВИ ПАРАДИЧИ
Пририхтоване: нарежце на ценки одрезки (за праженє або мусаку) або лєм по поли (за полнєнє). Бланшируйце 4 минути половки, 3 минути фалатки (котри можеце и препражиц 2 минути, та добре одцадзиц од масци).
Час тирваня: 12 мешаци.
Одмарзованє: нє потребне.

ПЕТРУШКА
Корені" ше змарза исто як и целер, лїсце нашекане. Час тирваня: 9 мешаци.

ЦИБУЛЯ — ЦЕСНОК (ПОРИЛУК)
Пририхтоване: добре очисцице, прережеце по половки, та повимиваце помедзи лїсца. Нарежце на менши або векши фалатки, зависно од того же нач рихтаце. Бланшируйце векши фалатки (або цали) 4 минути, нарезани 2 минути. Положце до двохтрох герметично завартих пластичних мещкох прето же би нє пребил запах.
Час тирваня: 10—12 мешаци.
Одмарзованє: нє потребне.

ЖЕЛЄНЯВА НА ЮШКУ
Пририхтоване: коренїсту желєняву (мархву, целер, пастернак, петрушку и ин.) ошкрабце и порежце на фалати (на юшку), а желєну петрушку и целер пошекайце. Шицко бланшируйце 5 минути и одцадзце та покладзце до мещкох у количествох за по єдно хаснованє.
Час тирваня: 6—8 мешаци.
Одмарзованє: нє потребне.