ПАРАДИЧИ
Пририхтоване: пре вельке количество води парадичи после змарзованя не на шалату, але на варене. Можеце их змарзнуц сирови, цали (бланшируйце лем 2 секунди), але мож направиц и сок або кашу (котри не треба преварйовац, та маю лєпши смак и випатрунок).
Час тирваня: 12 мешаци.
Одмарзованє: за сирови не потребне, а сок або кашу охабце през ноц у фрижидеру.

ШПИНАТ
Пририхтоване: очисцице го, та бланшируєце або цали лїсца (1 минуту у барз малих количествох) або уварице и прецадзице (препасируєце).
Час тирваня: 12 мешаци.
Одмарзованє: препасировани 2 годзини на хижней температури, лїсца кладзеце просто до врацей води.

МИШАНА ЖЕЛЄНЯВА
Рижни файти желєняви можеце напредок помишац (як напр. на квашну юшку) зависно од наменки. Часто ше миша гращок зоз коцочками мархви (на вариво або французку шалату), та паприґа и парадича (на бетярпаприґаіп), рижна желєнява на дювеч. У каждим случаю знова важне же би шицко було добре очисцене и умите, а по упутствох за поєдину желєняву бланшируйце або одкладайце сирове.

Змарзованє меса, риби и других артиклох

Месо очисцице од масци, жилкох и косцох, а кед косц муши остац, вецка єй верх закрийце зоз алуминийну фолию же би нє пребила мещок. Нє змарзайце цалком швиже месо (окреме нукашнї орґани), але го охабце 24 годзини у фрижидере.
Нарезки и инше змарзуйце у порцийох, т. є. у количествох яки вам потребни на єдно єдзенє. Змаржнїце кажди пакецик окреме або подзельце зоз фалатком алуминийней фолиї же бисце могли легко одвоїц. Масц тиж можеце змарзнуц, а тирва 7—9 мешаци.