Змарзованє млєчних продуктох и вайцох

МАСЛО
Пририхтоване: купце цалком швиже, у менших пакованьох. Можеце и сами препаковац на фалатки од 10 дкґ. Час тирваня: 8 мешаци. Одмарзованє: даскельо годзини у фрижидеру.

СЛАДКА ШМЕТАНКА
Пририхтоване: купчу шметанку змаржнїце у ориґиналней амбалажи. Або сами налєйце до пластичних судзиночкох, але не аж по верх, та герметично заврице. Можеце змарзнуц и китлучену сладку шметанку зоз цукром (шлаґ).
Час тирваня: 3 мешаци.
Одмарзованє: даскельо годзини у фрюкидере. Накеди ше одмаржнє, дакус витрепце, бо ше зявя грудки. Квашну шметанку нє змарзайце!

СИР
Пририхтоване: цалком швижи сир лєпше нє змарзайце, бо нє будзеце задовольни. Мегки сири (тоти за намасцанє) змаржнїце у їх амбалажи або закруцце до алуминиюмней фолиї. Тварди сири нарежце на менши фалати и добре позакруцайце до фолиї (вельки фалати ше зоднука суша).
Час тирваня: 5—6 мешаци.
Одмарзованє: у фрижидеру, зависно од велькосци.

МЛЄКО
Одлично ше змаржнє у ориґиналней амбалажи, особлїво кед купице гомоґенизоване и нє барз масне. Кед змарзаце сами, виберце менши пластични судзини, а охабце 2—3 см од верху празне, бо ше млєко при змарзованю подзвигнє.

ВАЙЦА
Одлично ше тримаю, але их змаржнїце без шкарупини — порозбивайце их до малих мещкох по даскельо, як вам тре