КЕД КОЛЄЦЕ ШВИНЮ


Як ше швиня заколе, розбере и пошори — то знаю старши ґаздове. Младши вше частейше волаю месара на тоту роботу. За тих по заш лем сцу правиц смачну домашню сланїну, колбасу, гурку итд. приношиме преверени спосонб пририхтованя.

Соленє

Доставане шунки, сухого меса и сланїни почина, у ствари, зоз солєньом. То ше звичайно роби ютредзень по забивачки, бо треба же би месо и сланїна були охладзени. До векшей судзини — ванґли усипе ше соль, вец положи фалат меса котре ше солї. З гарсцу полну солї месо ше начуха зоз шицких бокох, так же би на нїм остало цале пасмо солї. Таке насолене месо ше кладзе до гордовика. Найвекши фалати, шунки, кладзе ше звичайно на дно, а од горе карк и ребра. О даскельо дні соль ше розпущи и достане ше росоль. Кажди триштири дні месо треба обрацац и полївац зоз тоту росолю. Месо остава у росолї спрам того яки фалати вельки и яки су груби. Поведзме, месо зняте у єдним фалаце, зоз похребцини (чукапеченє) досц же би стало насолене тидзень, найвецей дзешец дні, карк и реберка до два тижні, а шунки мож тримац насолєни и шейсц тижнї.
Сланїна ше солї на исти способ, лем ше не муши положиц до гордовика. Фалати сланїни ше кладзе еден на други, поверх меса, або лем на єдну деску. За три тижнї тоти фалати треба з часу на час пообрацац.
Муши ше мерковац же би простория у котрей стої насолене месо не була цепла. Пиньвица найвигоднєйша за тоту роботу.

Куренє

Же би могли стац, шунки, сланїна и колбаси ше кури. За того велї обисца маю окремий просториї. Правда, куриц