грами), ложку горкей паприґи, деку попру и главку цеску котри ше тиж зомелє з месом. Вшелїяк, ту ше муши додац и солї по смаку. Шицки тоти додатки мож меняц по количестве, але ше найчастейше хаснуе таке одношенє. Шицко тото ше муши добре вимишац. То барз важне, бо од мишаня завиши не лем смак але и твардосц, односно густосц колбасох. Добре вимишане месо на колбаси ше твардейше трима вєдно, а у сушеней колбаси ше не розпадує и мож го крашнє резац на колечка.
Таке вимишане и по смаку попаприґоване, попопроване и посолене зомлєте месо ше муши зохабиц най одстої годзину, а вец ше го зоз фурчу або машинку надзива до черевох котри ше муша пред тим добре пошориц. Кед сце не сиґурни же знаце добре спораїц колбашнїци, лєпше куіще готови зоз предавальнї.
Надзати колбаси мож такой печиц або вариц, а тоти котри ше сце куриц и сушиц охаби ше обешени (на палїцу) до жимней просториї.

Бендов

За бендов ше вибера цала глава, печинка, шерцо, язик, скорки, фалат сланїни з подгарлїни и добре уварени так же би ше месо одвойовало од косцох. Найдлужей ше вари глава. Уварене и дакус охладзене очисци ше од косцох, видвоює найлєпши часци глави, язик, сланїна и скорки и то ше пореже на векши фалатки та положи до векшей судзини дзе ше дода соль, попер, паприґу и пошекани цеснок. Бендов ше муши баржей солїц як колбасу, котра будзе сланша кед ше висуши як сирова. Вендов пущи соль до води у котрей ше бари. Заш лєм, ваш смак одредзує количество сланого и горкого, а ту смак мож лєпше оценїц як при колбаси з оглядом же шицко уж варене. Вимишана маса ше покладзе до очисценого швиньского бендова (жалудка) котри ше розреже на найузшей часци. Кед є наполнєни, зошиє ше го зоз грубу иглу и цверну та бендов готови.
Бендов ше ознова превари у води (обари) дзе варене и месо з котрого є надзати. Тото ше роби же би ше месо уварело ище раз и же би ше окончела пастеризация. Муши ше мерковац же би вода не барз варла, же би бендов не пукнул. У тей води ше ма вариц 15 до 20 минути и вец ше го муши домерковано виняц. Горуци бендов ше положи на ровну деску и прицишнє з другу на котру ше положи дацо чежке же би з нього вишло цо вецей води. Добре го аж и преджобнуц на даскелїх местох. Бендов мож такой єсц, а мож го и куриц, як зме уж спомли.