велькосци судзини, шкварки ше почню формовац и доставац цможовту фарбу. У тей закончуюцей фази ше муши буц осторожни, бо ше може случиц же останю нєдосц випражени, або ше препража та буду горкави и з окремним запахом. Кед масц випражена, треба ґу нєй доляц кус млєка и пущиц най ше воно випари. Теди ше аж винїма шкварки и масц цадзи. Од млєка шкварки буду красше випатрац.
Шкварки ше нє солї, бо одмегчаю и злїпя ше.

Пририхтоване меса

Же би месо котре сцеце вариц, чи печиц, було и софтасте, пред пририхтованьом го умивайце у цалим фалаце. Кед го порежеце, вецей го нє шмеце умивац. Под час вареня чи печеня обовязно хаснуйце веґету або веду, а, розумлїве, месо треба и посолїц. Вше кед то можлїве, хаснуйце цо вецей желєняви: мархви, петрушки, целеру и копру. Од присмачкох хаснуйце ліелки попер, парадичанку и зомлєту паприґу; най нє будзе горка.
Кед варице єдла у котрих месо дробно порезане (папригаш, перкелт), месо треба перше попечиц у врацей масци, вец го руциц на полуподинстовану цибулю и другу желєняву. Теди єдло будзе вельо смачнєйше, Кед сцеце направиц окреме смачни єдла зоз запражку (гоч вона з муку, гоч нє), хаснуйце и децудва билого вина. Зачудуєце ше же яки смак єдла будзе иншаки.
Кажде печене муши ше залївац з власним софтом у котрим єст ище масци лєбо олєю. Док ше месо пече, нє шме ше до ньго джобац з видлїчку, бо пущи зоз себе шицок софт, а саме останє древене и несмачне. Розумлїве, фалатки меса ше муша печиц вєдно зоз солю же би були смачнєйши.