ПИВО — пиє ше и пред єдзеньом, попри єдзеня и по єдзеню.
ВИНО — по правилу попри билого меса ше пиє биле вино, а тюк и попри риби и лєгчейших єдлох, а чарне вино ше пиє попри єдлох котри чежши, и то меса ктре чежше за тровенє.
Десертни вина ше пиє попри лакоткох лєбо напиткох.
МИНЕРАЛНА ВОДА — пиє ше по потреби як и овоцово соки.
ШАМПАНЬЦИ — пиє ше у святочних нагодох и по правилу з десертом — сладким по єдзеню (муша буц барз жимни). Надпомнуце: биле вино треба сервировац жимне.
ЧАРНЕ ВИНО — муши мац температуру просториї у котрей ше пиє.
Моцни напої ше сервирує жимни лєбо з лядом окреме.
ЧАРНА КАФА — пиє ше саму, а мож ґу нєй додавац млека лєбо сладкей шметанки, а понука ше ґу нєй и моцни напої, окреме по єдзеню. Кафу мож сервировац и у векшей судзини з додатим вискийом и шлаґом.
ЧАИ — пиє ше сам з лимуном, а мож окреме додац рум лєбо румпунч. До чаю тиж мож уляц млєка лєбо му додац даяки моцни напой.
Гу жимним єдлом дава ше жимни танєри, а ґу цеплим — цеплй.
Нож стої вше з правого боку танєра, тиж и ложка, але видлїчка з лівого боку (окрем за специялни єдла — шпаґети, коритка, шлїмаки, раки и др.).
Погари стоя з правого боку танєра при верху ножа. Танер за шалату з лївого боку, а тиж и танєрчок за хлєб.