Шпляхи од олєйових фарбох. — Чисца ше з мишанїну двох часцох терпентинского олєю и єдней часци амонияку, а потим ше их умива з мидловим шпиритусом котрому сце додали дакус и шпиритусу.
Шпляхи од колїмажи. — Перше их помасцце з масцу а вец их добре намидлїце з мидловим шпиритусом, або их намачайце до мидловей води и охабце най постоя даскельо минути, а потим их плокайце раз зоз терпентином, раз зоз горуцу воду (по даскельо раз) и на остатку их виплокайце у лїтней води.
Окрем того, можеце их перше намасциц з масцу, а потим вирайбац у мидлїни. Финши платна премасцце зоз жовчком и терпентинам, а кед ше жовчок осуши — ошкрабце го з ножом и платно вирайбце у цеплей води.
Шпляхи од катрану. — Лєгчейше ше знімаю кед су швижи. Перше их премасцце з олєйом або вазелином же би катран одмекнул, а вец их почухайце зоз тетрахлоридкарбоном. Повторце то вецй раз, а потим их намасцце з мидлом и вимийце з воду. На остатку брудне место вичухайце з ренду намачану до пречисценого терпентину.
Шпляхи од терпентину. — Перше их умийце з літну воду, потим очухайце з мидловим шпиритусом, умийце у лугу и виплокайце.
Шііляхи од клиіо. — Перше их умийце з лїтну воду, потим очухайце з мидловим шпиритузом, умийце у лугу и виплокайце.
Шпляхи од креви. — На финих ценких платнох тоти шпляхи перше намачайце зоз жимну воду, а потим их розчухайце у розпущенши зоз ферталь литри лїтней дижджовки и єдней малей ложички пращку винскей квашнїни.
З гадвабних платнох: очухайце з ренду намачану до алкоголу.
Стари шпляхи од креви знїмаце з ренду намачану до амонияку (лем перше опатьце чи таке платно подноши амонияк). Кед шпляхи скапу, платно виплокайце у лїтней води.
ПІвижи шпляхи од креви на билим споднїм облєчиве вирайбце у оксидираней води.
На памучним платне шпляхи од креви одклонїце кед их перше намачаце зоз жимну воду, а потим их вирайбеце у лїтней води з мидлом або детерджентом и на остатку их виварице.
Шпляхи од йоду. — Умийце шплях у лїтней води. Кед то не помага, вирайбце у мишанїни зоз 10 часцох амонияку и 25