ПРЕД'ЄДЛА

 

 

АЙВАР 303 ПОТЬКОВЕИ ИКРИ

Потребне: 250 ґ потьковей икри, 250 ґ олєю, 50 ґ лимунового соку, 50 ґ цибулї, солї, попру.
Икру очисциц од блани, положиц до миски, посолїц и мишац док нє побилєє. Поступно додавац олєй и лимунов сок и предлужиц з мишаньом покля маса нє постанє компактна и густа (тварда). На концу умишац пошекану цибулю и попопровац, та шицко добре премишац. Зоз таким айваром ше премасцує сендвичи або ше послужує у мисочки як пред'єдло.
Надпомнуце: Айвар мож правиц и без цибулї.


БАКАЛАР З МАСЛИНАМИ

Материял: 800 ґ бакалару, 500 ґ кромплї, 100 желєни маслини, 50 ґ каприцу, 1 звязка петрушки, 1 конарчок целеру, 1 цибуля, 1 мархва, 1 погар билого вина, 1 погар олєю, соль.
Бакалар спущиц до врацей води єдну минуту, виняц го и зняц му скору, а потим порезац на красни фалати. Кромплї очисциц и порезац на колєчка грубини як палєц. Пошекац петрушку, целер, мархву, цибулю и каприци и шицко динстовац даскельо минути на олєю. Додац рибу, кромплї и маслини. Шицко кус попражиц, наляц з вином и динстовац на цихим огню док кромплї нє омегчаю. По потреби долївац покус води.


БИЛА ПЕЧИНКА НА КВАШНО

Потребне: 50 дкґ целячи плюца (билей печинки), 3 ложки розпущеней масци, 1 цибуля, 4 ложки муки, 10 дкґ желє-