няви (петрушка, мархва, пастернак), 2 дкґ сенфу, 2 дл квашней шметанки або млєка, оцет, соль, тлучени попер, ловоров лїсток, цеснок, вода.
Поступок: поумивани целячи плюца положиме вариц до врацей води до котрей зме положели ловоров лїсток и струче ческу и посолєли. Уварени плюца винєме и охабиме най ше охладза, бо их так лєгчейше резац. За тот час у шерпенї пражиме порезану желеняву, цибулю, додаме муку, залєєме з обаровину з плюцох и увариме. На концу прелєєме шметанку, додаме сенф, тлучени попер и пооцтуєме. Мачанку препасируєме (през шитко за парадичи), улєєме знова до шерпенї, та положиме порезану билу печинку або помлєту на машинки. Посолїме по смаку и охабиме най превре.


БУНДАВА ПОХОВАНА
Пореж младу бундаву на ценки фалатки. Посоль, та най дакус постої. Вец фалатки бундави мачай до муки, до вайца а вец до сухих отрушинох. Випраж на горуцей масци. З таку бундаву мож єсц даяке иншаке вариво (чушпайз).

ВАЙЦА 303 ЖЕЛЄНЯВУ
Пририхтац: 4 вайца, 2 главки цибулї, 1—2 паприґи, олєй, 250 ґ парадичи, 1 огурку, 20 деки мауни (мож и змарзнутей), соль, попер, лїсце з петрушки.
Уварце вайца на твардо. нашекайце цибулю и паприґу, порежце на коцки парадичи, мауну и огурку. Шицко тото положце динстовац на олєй, посольце, попопруйце, кед є мегке, потрешце нашеканого петрушкового лїсца и прелєйце до судзини зоз котрей будзеце служиц. На верх желеняви покладзце половки вайца.

ВАЙЦА ПОЛНЄНИ
Увар вайца на твардо, очисц и розреж по длужини на половку. Винь жовчки, претри их на шитку, додай дакус розмишаней масци, намоченей висцисканей мекушки зоз хлєба, шметанки и пошеканого петрушкового лїсца, посоль и розмишай. Зоз тим филом наполнї тоти нарезани половки уварених бильчкох, покладз до тепшички, полєй зоз шметанку и полож до рерни най ше препече.