ВАЙЦА ПОШИРОВАНИ
У векшей шерпенї зограц води най будзе враца. Додац оцту єдну ложку. Кед вода вре, до води розбиц швижи вайца, алє помали, так най останє кажде вайцо окреме у цалє и бильчок и жовчок. На другей ринґли зограц у другей шерпенї води хтора нє муши буц враца, алє най будзе без оцту же би ше вайца умили од першей води. Вайца треба вариц док бильчок нєе будзе уварени а жовчок останє мегки. Вайца виняц на шитко лєбо до дзиравей варехи най ше оцадза. Окреме з мекушки хлєба на фурмочку нарезац за кажде вайцо по еден ,,крутон" велькосци такей же би на нїм могло стац по єдно вайцо. Крутони пражиц на масци док не почервенєю. Окреме ше прави мачанка парадичова як приложене: у шерпенки попражиц на маслу 1—2 ложки муки на червено. На запражку помали ляц парадичанки и мишац най ше нє справя кульки. Же би мачанка була лєпша, на остатку додац дакус юшки, малу ложичку цукру и солї.
На тацну перше поскладац упражени крутони, а на нїх пошировани вайца и преляц з мачанку. На кажду особу предвидзиц по два вайца.


ВАЙЦА ФАШИРОВАНИ
Увар кельо уж сцеш вайца на твардо, очисц и пошекай шицко ведно. Упраж на масци дробно пошекану цибулю на червено, помишай з вайцами, додай солї, дакус мелкого попру и єдно сирове вайцо до того розбий. Розмишай добре, а вец помасц тепшу и тото по длужини тепши полож як грубу гурку, по верху полож дакус масци и упеч у рерни. Є ше найчастейше зоз пире кромплями.

ВАРЕНИ ЯЗИК
Потребив: 1 швижи кравски язик, 4 ложки розпущеней масци, 1 цибуля, 3 ложки муки, 6 дл парадичанки або З ложки концентрату з парадичох, 1 ложка цукру, соль, вода.
Поступок: кравски язик умиєме и положиме увариц на мегко до сланей води, цо тирва досц длуго (дас 3 годзини). Кед є мегки, винєме го и ище док є горуци знєєме з нього скорку и порежеме на векши шницлочки. 3 масци и муки пририхтаме червену запражку, додаме натарту цибулю и попражиме. Запражку залєєме з язикову обаровину и парадичанку, довариме и посладзиме. На концу покладземе шницлочки. Охабиме єден час най повру и сервируєме.