ВИРШЛИ У ЦЕСТУ
Пририхтац: пакло змарзнутого лїсцатого цеста, 4—5 пари виршли, сенф.
Розпущене цесто ше розгнєце, пореже з острожку на квадрати, завиши як сце на кратко порезали виршли котри ше на тоги квадрати цеста кладзе до периночки. Цесто ше злїпує два процивни угли зоз пальцами навлаженима у води. Положце до добре зогратей рерни же би ше цесто дзвигло, а вец зменшайце температуру. Служи ше на вельким танєру на стред котрого мисочка зоз сенфом чи даяку шалату.

КАЙМАК
Каймак ше найчастейше прави зоз кравского сладкого млєка, але мож правиц и з овчого и кожого. Каймак зоз кравского млєка ма благи смак и запах и може ше длужей отримац швижи.
Пририхтоване єдноставне:
Млєко ше превари, розлєє до судзинох и охаби одкрите до ютра на жимним месце же би ше на верху направела осуга (скорка).
Ютредзень рано домерковно ше знєє осугу з млєка (каймак) , та ше склада єдну на другу до древеного шафлїка. Кажде пасмо ше кус посолї. Закриє ше од верху зоз чисту ренду и потим з древену покривку. Чува ше на жимним месце. Поступок ше повторює каждого дня док ше шафлїк нє наполнї.
Каймак мож хасновац такой. Кед ше охаби длужей най стої, вец ше додава вецей солї и то ше вола стари або узрети каймак.
Каймак то специфични млечни продукт, котри чежко мож заменїц з дачим иншим.
Хаснує ше як додаток єдлом, а мож го масциц на хлєб и єсц, або сервировац як состойну часц жимного пред'єдла.

КАНАПЕ — мали сендвичи на раз до устох
Кажда схопна кухарка може барз швидко и без даяких вельких трошкох направиц схопно за своїх госцох мали сендвичи хтори, коло того же су барз смачни, маю и красни випатрунок. Правя ше на подлоги сланого кекса крекера, лєбо на зоз фурмочку оформену мекушку зоз хлєба округлу, лєбо хлєба порезаного на коцки такей велькосци же би их одразу мож було вжац до устох. Таки сендвичи ше правя кед ше напредок