зна же приду госци, за родзени дзень и под. Попробуєме дац даскельо рецепти зоз нїх, а кажда кухарка потим може сама, хаснуюци свою схопносц, видумац и комбиновац рижни файти таких сендвичох.

КАНАПЕ НА КОЛЄЧКОХ 3О3 КИФЛИ
Векшу кифлу порезац на колєчка и намасциц их з маслом. До врацей води положиц печарки и вариц их два до три минути. Виняц печарки, охладзиц их и порезац на фалатки и складац их на одрезани фалатки кифли. На кажди сендвич направиц з майонезом даяку фиґуру.
Канапеи ше сервира так же ше на вельку плїтку тацну склада вшелїяки файти и по випатрунку и по файти так же би декоративно цо лєпше и красше випатрали и же би госци нє знали хтори сендвич перше вжац.

КАНАПЕ НА ПРАЖИНКИ
Мекушка зоз хлєба одрезана зоз фурмочку на округло ше перше пече у тостеру (по вецей фалатки одразу) лебо на горуцей плотни. Готови пражинки охабиц най ше дакус охладза (на лїтно) и премасциц их з маслом. Вжац єдну конзерву тунєвини (риба у филетох) и рибу ведно з олєйом положиц до ступки и додац на тарлу наструганого сира 150 ґ. Потим додац єдну ложку на барз дробно порезаней цибулї и шицко вєдно добре премишац, а пред тим поджамиц у ступки док нє достанєме єдну кашу хтора випатра виєдначено и гомоґено. Додац три ложки шметанки и ище раз добре премишац. Зоз тим филом премасцовац пражинки. Декоровац зоз петрушковим лїсцом ишвижу шалату, майонезом и под.


КАНАПЕ 303 СИРОМ
На округли крекер поверхносц намасциц зоз майонезом, а од горе положиц єден фалаток сира (трапист лєбо качкаваль, ґауда и под.) На сир правиц фиґури зоз шалати квашней огурки, паприґи з дунца або швижей — сладкей лєбо горкей. Декорацию треба правиц у вецей фарбох, а тиж ше може хасновац и майонез.