МУСАКА 3О3 ПЕЧАРКОХ
Потребне: 1 кґ печарки, 5 главки цибулї, 6 варени вайца, 3 вайца сирови, 1/4 кґ сира траписта, пол фляшки кечапа и 2 дл млека.
На цихим огню попражиц порезану цибульку и печарки и додац по смаку солї, попру, веґети. Окреме потрец сир, порезац вайца. Складац до „єна" миски половку порихтаного сира и порезани вайца, на тото додац половку зоз попраженей цибулї и печаркох, вец знова вайца, печарки и цибулю, а на верх сир. Окреме витрепац 3 вайца и 2 дл млєка, преляц масу и печиц у рерни дас пол годзини.

ОМЛЕТ 303 СИРОМ
Порихтац: 4 вайца, 2 ложки муки, 2 ложки цукру, 25 деки швижого кравского сира, децу шметанки, хто жада може и пол деци зомлєти мандулї, кед омлет правице на сладко. Кед омлет сладки, вайцо ше витрепе з цукром и муку, иншак зоз кус солї и муку, вец ше дода и гевти 3 вайца и добре шицко витрепе, та аж вец дода шметанку и сир (и мандулї, по дзеки).
На слабшим огню ше розпуши масло, на горуце ше улєє тото розмишане и пече дас 10 минути, але ше нє обраца лєм ровно краї подзвигує же би ше омлет розлял а не пригорел. Витрешце на танєр, прикрийце з другим же би ше нє охладзел до послуженя. Кед сце правели на сладко, зоз цукром и мандулями, служи ше з маджуном чи овоцу.

ОМЛЕТ ШПАНСКИ ЗОЗ КУРЧЕЦОМ
Главку пошеканей цибулї и главку цеску попражце на ЗО ґрамох масла и ложки олєю. Додайце подробену коцку курчецовей юшки, два нєвельки белави парадичи порезани на колечка, 400 ґрами главки шпарґли або артичоки (ест у конзервох), фалатки вареней курчецини, и пражце ище два минути. Витрепце шейсц вайца, посольце их и попопруйце, та прелєйце прейґ других состойкох. Пражце док ше нє почне лапац за дно. Потим положце до рерни и уключце лєм горню плочу же би омлет почервенєл и од горе.