ним филом до хторого додаме два раз зомлєту говедзину и добре ище раз премишаме пред полнєньом. Зоз остатком филу полнїме половки увареного бильчка и складаме на тацну єдну парадичу – єден полнєни бильчок. Бильчок ше полнї зоз гаприцлу, а шицко ше украшує з майонезом у шприцли и младима шалатами.

ПАРАДИЧИ ПОЛНЄНИ ЗОЗ ШУНКУ И МАЙОНЕЗОМ
За 5 порциї потребне: 10 красни єднаки парадичи, солї, 125 ґрами на дробно порезаней шунки, 5 деки вареней рискаши, 5 деки дробно порезали маслини, єдно и пол дробно порезане вайцо на твардо уварене, 100 ґ майонезу, пол ложки сенфу, присмаки, масла, млади редкви и 1 ложку на дробно нашеканого петрушкового лїсца.
Пририхтованє: Парадичи поумивац и положиц до дзиравей варехи, у окремней судзини зограц води и до врацей води лєм за хвильку зачириц дзираву вареху зоз парадичами, виняц парадичи з води и зняц зоз нїх скорку. Зоз каждей парадичи одрезац верх (покривку) и добре их видлобац зоднука так же би остала лем скорка з дакус месатим муром зоднука. Парадичи посолїц и охабиц.
Окреме до єдней судзини положиц шунку, рискашу, маслини и вайца. До другей судзини помишац майонез, сенф, попер, соль и дакус цукру. Потим шицко вєдно змишац з масу зоз шунки и добре премишац. Зоз тим филом полнїц парадичи и класц их на тацну обрацени долу зоз отвором на хтори су полнени. На парадичи направиц джобки з маслом на шприцлу най випатраю як печарки. Пред тим як цо ше послужує тацну треба декоровац з редкву, петрушковим лїсцом, резану паприґу бабуру и подобним.

ПАРАСТСКИ ФРИШТИК
Кромплї уварени на лупу ше очисци и пореже на колєчка, та посолї. У шерпенки ше упражи дробно пошекана цибуля, желєна паприґа, шунка чи фалатки сланїни, або можебуц колбаси. Шицко треба же би було порезане на коцки. Кед є попражене, додац кромплї и витрепац 2—3 вайца, та з нїма заляц шицко и кус попражиц. Теди мож служиц з квашенима огурками.