ПИЛАВ
Пририхтує ше за 4 особи:
Потребне: 2,5 кґ мишаней желєняви за дювеч (мауна, паприґа, мархва, гращок), 100 ґ кукурици цукровки, 200 ґ рискаши, 300 до 500 ґ сланїни або шунки, 50 ґ цибулї, 0,3 дл олєю або масла, 1 дл шметанки, 1 вайцо, соль, попер, веґету и мелку паприґу.
Поступок: На горуцим олєю або маслу дакус попражиц цибулю, сланїну або шунку и рискашу. Потим додац кус мелкей паприґи, помишац и додац мишаней желєняви и кукурицу цукровку. Шицки состойки ище дакус попражиц и заляц з воду же би отугло.
Кед уварене, масу сипац до тепши и преляц з ґлазуру котра ше пририхтує так же ше шметанку и вайцо добре витрепе. Тепшу положиц, до зогратей рерни и запечиц коло 15— 20 минути.

ПИЦА 303 ПАРАДИЧАМИ — за штори особи
Состойки за цесто: 400 ґ преошатей муки, 1 ложка мегкей рошлїнскей або швиньскей масци, 1 ровна ложичка солї, пол ложички цукру, 1 дл лїтней води, 25 ґ квасу.
Состойки за премасцованє: 3 главки цибулї, 50 ґрами куреней сланїни, 1 кґ парадичи, 250 ґ натартого сира (ґауде або айдамер), солї, попру, 1 ложичка ориґану (купчи присмак), 1 ложка шеканого петрушкового лїсца.
Поступок: Муку умишац до масци, солї и цукру. Розпущиц квас у води и додац го ґу вимишаней муки и шицко добре загнєсц. Потим судзину, у котрей зме гнєтли, прикриц и охабиц у нєй цесто дас 2 годзини най кишнє. Потим цесто подзелїц на штири єднаки часци и розцагнуц округли цеста чий радиюс дас 30 центи (як лепинь). Положиц до тепши посипаней з муку. Цибулю и сланїну порезац на длуговасти фалатки и пражиц покля нє достаню златнажовту фарбу. Парадичи положиц на хвильку до врацей води, виняц и познїмац скорочку з нїх. Потим порезац на струча. Цесто посипац зоз половку натартого сира и на верх поскладац парадичово струча и посипац цибулю зоз сланїну. Посолїц и попопровац по смаку. Посипац зоз ориґаном, преостатим сиром и петрушку. Печиц у рерни зогратей на 275 ступнї на споднєй прегради 15 минути.
Пица будзе смачна и теди кед ґаздиня положи и даяки други состойки до маси за премасцованє, лєм кед примеркуе же би ше їх смаки складали.