РИЗОТО ЗОЗ КОРИТКАМИ
Материял: 500 ґ рискаши, 1 дунєц „вонґола" кориткох, 100 ґ масла, 1 л цеплей посолєней води, 4 ложки олєю, 3 главки цеску, пол главки цибулї, соль, попер, 1 звязка петрушки.
На 2 ложкох олєю попражиц пошекани цеснок (2 главки). Кед цеснок почервенї, додац коритка и кус их прединстовац. Потим их одцадзиц и чувац сок од динстованя. У другей судзини на преостатим олєю и пол количества масла попражиц пошекану цибулю и остаток цеску. Кед цеснок почервенї, виняц го, додац рискашу и преляц зоз соком у котрим ше динстовали коритка. Посолїц и попопровац и коло годзину и пол вариц на цихим огню з додаваньом води и з часу на час мишац. Пред конєц вареня додац коритка, премишац и вариц ище два минути. Зняц рискашу з огня, умишац остаток масла и пошекану петрушку.
Може ше правиц и зоз других морских и ричних кориткох.

РУСКЕ ЦЕПЛЕ ПРЕД'ЄДЛО
Пририхтує ше за 4 особи.
Потребне: 200 ґ увареней кукурици цукровки, 100 ґ домашнєй сухей колбаси, 100 ґ куреней сланїни, 200 ґ домашнєй шунки, 50 ґ траписту, 100 ґ шампиньони, 1 вайцо, 50 ґ майонезу, 50 ґ кечапу.
Поступок: Колбасу, сланїну, шунку и вайцо порезац на резанки, додац шампиньони, вимишац и упражиц на кус олєю. На концу додац порезани трапист, кечап, майонез и витрепане вайцо. Потим помишац и преляц з натартим трапистом.
Служиц цепле зоз шалату.

СИР НА ХЛЄБ
На паяцу и у предавальнї часто мож купиц лєм квашного сира, котрому очивисно хиби шметанка. Таки сир нє добри анї за цесто, а анї го дзеци не сцу - котрим иншак млєчни продукти ище як потребни. Же би го шицки смачнє поєдли на хлєбе, як додаток ґу фриштику, вечери, або за оловранти, зробце так:
Сир треба добре поджамиц з видлїчку и з фалатом масла. Вец до сира на дробно потрице главку цибулї, даскельо сардели з конзерви и дакус сенфу. До такого вимишаного и препасированого сира мож додац солї, мелкей паприґи або и ки-