залєєме з млєком, примишаме вайца, повариме на кашу и охабиме най ше охладзи. До охладзеней маси додаме другу потарту цибулю, попер, сарделову пасту, порезани квашени огурки и саламу. Шицко добре помишаме и по смаку посолїме.

ПАШТЕТА МЕСОВА
Потребне: 4 дкґ масла, 20 дкґ печеного швиньского меса, 6 дкґ натартей цибулї, мелки або тлучени попер, сенф, соль.
Поступок: До витрепаного масла додаме натарту цибулю, зомлєте печене швиньске месо, тлучени або мелки попер и сенф по смаку. Посолїме и шицко добре розмишаме.

ПАШТЕТА ПЕЧИНКОВА
Потребне: 1/2 кили целячей печинки, 5 вайца, сенфу, тлучени попер, соль, 1/4 кґ масла, сок з 1 лимуна, 4 ложки розпущеней масци, вода.
Поступок: На масци и дакус води видинстуєме умиту, на фалатки порезану печенку, вайца увариме на твардо и очисциме. Динстовану печинку и вайца зомелєме на машинки за месо, масло витрепеме на пену вєдно зоз сенфом, попром и лимуновим соком и на концу додаме зомлєту печинку и вайца. Софт у котрим динстована печинка посолїме и шицко добре розмишаме. На концу цалу жимну масу потреме на тарле.

ПАШТЕТА ШКВАРКОВА
Потребне: 30 юкґ шкварки, 12 дкґ масла, солї.
Поступок: Шкварки зомелєме на машинки за месо. Масло вимишаме на пену и до ньго додаме зомлєти шкварки, соль н добре помишаме. Зоз таку паштету масциме фалатки хлєба.

ПАШТЕТА ШУНКОВА
Потребне: 7 дкґ масла, попер, сок зоз 1/4 лимуну, дакус солї, 15 дкґ помлєтей шунки, 10 дкґ квашени огурки, 3 вайца.
Поступок: До витрепаного масла додаме попер, лимунов сок, зомлєту шунку и шицко розмишаме. Потим додаме огурки и варени вайца, порезани на мали коцки. Посолїме и шицко добре премишаме.