ЮХИ (ЮШКИ)

 


БОРЩ І
Єдна штвартина (1/4 кґ) говедзинового меса з лопатки, 1/4 кґ швиньски ребра, желєнява (мархва, петрушка, целер), два кромплї, 1 цибуля, 1 желєна паприґа, 1/2 главки целеру, 60 дкґ капусти, дакус попру, парадичанки, ловоров лїсток, мелкей паприґи, води, солї, дакус цукру, 1 дл квашней шметанки, 1 дкґ муки, 4 дкґ увареней цвикли.
Поступок: До трох литрох жимней води покладземе умите на векши фалатки порезане говедзиново месо и вариме го дас 1 годзину. Потим додаме порезане швиньске месо, желєняву порезану на коцочки, ловоров лїсток, порезану желєну паприґу и далєй вариме на цихим огню. Кед месо уж мегке, додаме порезану капусту и вариме док нє будзе мегка. Кед уж шицко мегке, долєєме шметанку у котрей зме розмишали муку и превариме. Вецка додаме окреме уварену цвиклу порезану на коцочки и на остатку юху поквашнїме з оцтом або лимуновим соком и засмачиме з цукром.


БОРЩ II
То праве нашо народне єдло, котре наш народ ту на югу уж давно престал готовиц (озда прето же го треба дакус длужей готовиц), а воно смачне и барз здраве єдло. Готови ше го на двояк:
а) Зоз месом: Увар у єдним гарчку обичну добру курецинову юху. У другим гарчку увар червену цвиклу у лупи (най фарбу нє страци), а уж уварену пореж на резанки и пооцтуй. У трецим гарчичку увар у води на грубши резанки порезану сладку капусту дас пол главки. Кед у гарчичку юха уварена, прецадз ю, а додай уварену и одцадзену капусту. Посоль по смаку и вар. Тото кед почнє врец сцагнї набок и додай уварену