превре, дода ше до нєй штири до пейц очисцени и на коцки порезани кромплї, посолї ше и охаби най ше далєй вари док месо и кромплї нє одмегчаю.
У миски ше витрепе 2 до 3 ложки шметанки, та ше до нєй улеє юху и такой кладзе на стол.

ЗАПРАЖЕНА ЮШКА
Такей юшки ше запражка звичайно рихтала на олєю. На двох ложкох олєю попражи ше на дробно пошекана цибуля, ложка муки и кус мелкей паприґи, та ше шицко залєє з воду и до нєй завари таргонї.
Запражену юшку мож злєпшац з динстованьом пред запражованьом дробно пошеканей желєняви: мархви, петрушки, целеру, та и фалатками кромпльох и парадичох.

ЗАПРАЖЕНА РАШКОВА (КИМОВА) ЮШКА
Потребне: 2 ложки масци, 2 ложки муки, 1 ровна ложка рашки, менша цибулька, 2 ложички веґети, дакус мелкей паприґи. желєней петрушки або целеру, 2 вайца, солї, 2 литри води, хлєба и масци.
Поступок: З масци и муки направиме билу запражку, додаме потарту цибулю, рашку и попражиме. Потим замишаме мелку паприґу, веґету, залєєме зоз жимну воду и вариме на слабим огню дас ферталь годзвни. Уварену юшку прецадзиме и до нєй улєєме розмишани вайца, повариме, а вец з юшку залєєме до миски упражени хлєб безпостредно пред тим як сцеме сервировац. Хлєб зме пред тим у шерпенї попражели на масци, порезани на коцки.

КАПУСНА ЮШКА (за 6 особи)
Потребне: 1,5 л капусти, 1 ложка веґети, 3 главки цибулї, 20 ґ масци, 40 ґ муки, мелкей паприґи, 2 жовчки, 2 ложки квашней шметанки або каймаку.
Капусну юшку прецадзиц, уляц до гарчка и положиц най ше вари, а накадзи ше почне пенїц, пену знїмац. Вариц коло пол годзини. У медзичаше у пол литри води увариц веґету.