Поступок: 3оз масци и муки направиме билу запражку, додаме натарту цибулю, пошекани копер и дакус попражиме. Потим прелєєме зоз жимну воду або з воду у котрей вивареяи косци. Посолїме по смаку, посладзиме, поквашнїме и охабиме дас дзешец минути врец. Потим спущиме до юшки цали (розбити) вайца и додаме шметанку.

КРОМПЛЬОВА ЮШКА І
Потребне: 4 векши кромплї, 1 цибуля, мишана желєнява, 2 ложички веґети, попру, 1 ложку масци, 5 дкґ сланїни, 2 ложки муки, дакус червеней паприґи, солї, 2,5 литри води, желеней петрушки або целеру, 4—6 сушени печарки, окреме уварени галушки.
Поступок: До врацей посолєней води положиме на коцки порезани кромплї, половку одрезаней цибулї, желєняву и вегету, желєну паприґу попру, печарки и вариме док шицко нє одмекнє. Вецка до юшки завариме таргоню або таргани галушки. На концу направиме запражку так же сланїну нарежеме на менши коцочки, повариме у дакус води и кед вода вивре. попражиме, додаме масц и порезану цибулю. Кед почервенї, додаме муку, дакус попражиме, замишаме червену паприґу, залєєме зоз жимну воду, улєєме до юшки и охабиме най превре. На остатку додаме на дробно порезану петрушку або целер.

КРОМПЛЬОВА ЮШКА II
Увар у води на дробни коцки порезани кромплї, а вец уварени кромплї з воду улєй до запражки, котру ши направела з масци, муки, цибулї, мелкей паприґи; посоль. Кед маш однєсц на стол, додай пар ложки квашней густей шметанки.

КУРОВА ЮХА
Месо зоз цалей кури, порезане на одвитуюци фалатки, добре поумивац, положиц до векпюго гарчка и заляц зоз жимну воду. Очисциц єдну векшу або два менши цибулї, 2—3 коренї петрушки и тельо мархви, єден корень пастернаку и дакус целеру. Шицко поумивац и положиц ґу месу. Потим додац и даскельо зарна попру та шицко тото вариц на благим огню