же би юха була бистра. Посолїц ше препоручує аж кед месо омегча. Кед же месо зоз барз старей кури, препоручує ше до юхи положиц єдну ложку палєнки-комовици або даякей другей котра нє ма свой интензивни запах.
Скорей як цо ше юху знєє зоз шпоргета, доложиц до нєй єден чомовчок помишаного петрушкового и целерового лїсца и почекац най докус повре. До такей юхи добре положиц и єдну до два ложички веґети, лєм треба мерковац же кельо ше пред тим посолєло, бо и веґета ма у себе солї. Прето лєпше посолїц аж кед веґета уж у юшки.
Петрушково и целерово лїсце мож и надробно пошекац, усипац го до миски у котрей ше будзе сервировац, а потим уляц горуцу юху. На тот способ ше у лїсцу зачуваю витамини.
Як прилог ґу тей юхи служа же виварени у посолєней води ценки резанки, галушочки або таргонї, розхладзени зоз жимну воду и прецадзени през дзираву вареху. Прилог мож завариц и до юхи, та го не треба прецадзовац.

КУРЧЕЦОВА АБО ЦЕЛЯЧА ЮХА
Очисциц и порезац на фалатки 1 курче, або пол кили целячини. У векшим гарчку попражи ше 1 главка на дробно порезаней цибулї з 1 варешку масци. Кед ше цибуля попражи. дода ше месо и дакус на дробно пошеканого петрушкового лїсца, посолї ше, приклопи и динстує док месо не одмегча Потим ше запражи з 1 варешку муки, дакус препражи и прелєє з лїтну воду (1,5 до 2 л). Так ше охаби вариц 1 годзину.
У судзини з котрей ше юху будзе черпац розмуци ше ложку шметанки, по жаданю, и єден жовчок. а потим ше улєе юху зоз нєпреривним мишаньом.

КУРЧЕЦОВА ЮХА ГУСТА
Пошекайце главку цибулї и два главки цеску, та их попражце на 60 ґрамох масла. Додайце штири мархви порезани на фалатки, два коренї целеру, тиж порезани, єден букецик порилуку, звязку петрушки, штири кромплї, 120 ґрами мауни (може и з конзерви) и вєдно попражце коло три минути. Коцку куровей юхи розпущце у литри цеплей води и посипце желєняву у судзини, додайце два ложки "шерия", курче порезане на фалати, и варце док месо и желєнява не омегчаю. Служи ше цепле зоз чарним хлєбом.