КУРЧЕЦОВА ЮШКА З ҐОМБОВЦАМИ
Пририхтує ше за штири особи.
Потребне: 250 ґ мишаней желєняви „АБЦ" за юшку, младе курче, 100 ґ печинки зоз курчеца, презли 50 ґ (або ґризу), 50 ґ "КНОР" юшки, 100 ґ кукурици цукровки, 0,3 дл билого вина, присмаки: 1 главку цеску, кус петрушкового лїсца, соль, попер,веґету.
Поступок: Вариц курче у досц води, потим додац мишану желєняву, засмачиц по жаданю и предлужиц з вареньом. На концу додац ,,КНОР" юшку, порезани цеснок и кус петрушкового лїсца.
У медзичаше порихтац ґомбовци: на дробно порезац печинку з курчеца, додац презли (ґриз), витрепане вайцо, на дробно пошекане петрушково лїсце, вино, кус юшки, по смаку додац попер, соль, веґету и на концу уварену (5 минути) и одцадзену кукурицу цукровку. Зоз того правиц ґомбовци и вариц их окреме. Уварени ґомбовци додац до юшки и охабиц най превре, а потим вислуговац.

ЛЄНЧОВА ЮШКА
Потребне: 1/2 литри лєнчи (сочива). 2 цибулї, 4 литри води, мишана желєнява, 1 желєна паприґа, 1 парадича, 4 кромлї, 4 струча цеску, 2 ложки масци, 2 ложки муки, мелкей паприґи, 1 кґ сушеного меса, колбаси, або килу говедзини, дакус цукру желєней петрушки и целеру.
Поступок: До гарчка налєєме жимней води, до нєй положиме умиту лєнчу, на дробно порезану цибулю, вимочене сухе месо або швижу говедзину. Шицко вариме дас годзину и пол. Вец додаме очисцену желєняву, на коцки порезани кромплї, цалу паприґу и парадичи и вариме далєй док месо не одмекнє. Вец месо винєме, а юшку запражиме, 3 масци и муки направиме червену запражку, додаме на дробно пошекани цеснок, попражиме, примишаме млєту паприґу, залєєме зоз жимну воду, охабиме най превре и вец ю вилеєме до юшки. Юшку зоз запражку охабиме най превре, досолїме, поцукруєме и кед нам по дзеки та поквашнїме з оцтом або лимуном. На концу додаме на дробно пошекану желєну петрушку або целер.

МАКУМИНЕСТРА З ЛЄНЧУ
Материял: 0,25 кили лєнчи, 1 цибуля, 1 менша главка карфиолу, 1 парадича, 1 лїсток ловору, 200 ґ дробного цеста, 1 погар олєю, соль, попер.