Ленчу намочиц до жимней води, най стої цалу ноц. Рано прецадзиц, наляц з другу воду, посолїц и вариц два годзини:. После єдней годзини додац шекану цибулю, порезану парадичу и карфиол подзелєни на квитки. Пред сам конєц вареня (после двох годзинох) додац цесто, олєй (маслинов), посолїц, попопровац и добре премишац. Вариц ище даскельо минути и служиц.

МАРХВОВА ЮХА
Очисциме и добре умиєме 2 векши мархви и потреме их на тарле за бундаву. Мархву динстуєме з варешку масци, добре нашекану желєну петрушку и 1 барз на дробно пошекану цибулю. Кед мархва мегка, положиме варешку муки, дакус випражиме, а вец залєєме з воду и посолїме. До тей юхи мож завариц таргоню лєбо даяке иншаке цесто.

МЛЄКОВА ЮХА
Превар литру и пол до два литри осладзеного млєка зоз фалатком цалого цимету, дакус солї и лимуновей скорки. Прецадз и помишай до нєй розбити у жимним млєку (дас пол шольки) два-три жовчки. Юха готова, лем до нєй треба додац окреме виварени ґрисово галушки лєбо рискаши.

МОЗГОВА ЮШКА
Потребне: 2 ложки масци, 2 ложки муки, 1 менша цибуля, пол ложички рашки (киму), 1 ложка млєтей желєняви у солї, пол ложички млєтой паприґи, 1 целячи мозоґ, веґета, желена петрушка.
Поступок: 3оз масци и муки направиме билу зплрашку, додаме ражку и потарту цибулю котру попражиме док нє почервенї. Потим додаме мелку паприґу, млєту желеняву, пошекани мозоґ зоз котрого зме пред тим зняли блану. Блану зняц так жо мозоґ перше прелєєме з врацу воду, охабиме най у нєй стої дас 5 минути. Тераз ишцко прелєєме зоз цеплу воду и динстуєме дас ферталь годзики. Вец долєєме тельо цеплей води кельо треба, додаме веґети и охабиме най превре. На остатку додаме пошекану желєну петрушку и по смаку напопруєме.